Thla li chhungin Lord Ram temple sak a ni ang : Amit Shah

Union home minister Amit Shah chuan nimina Jharkhand-a election rally a neihnaah Ayo­dhya-ah  Lord Ram temple chu thla li chhung ngeia sak a nih tur thu a sawi. 

Pakur district-a rally neih­naa thu a sawiah Amit Shah chuan,"Supreme Court pawhin thutlukna a siam tawh a, hei vang hian Ayodhya hmunah chuan thla li chhungin Lord Ram temple sang tak sak a ni tawh dawn a ni," a ti. 

Ayodhya-a Hindu leh Muslim te ram inchuh thubuai hi kum tam tak ngaihtuah a nih hnuin, November 9 khan Supreme Court chuan thutlukna a siam a ni. Court chuan an ram inchuh lai, Hindu-ten Muslim mosque an tihchhiat sak tak awmna hmun chu Ram temple sakna turin Hindu te a pe a, Muslim-te chu mosque sakna turin Ayodhya hmun dangah ram acre 5 pe turin a ti bawk a ni. Court thutlukna siamah hian Muslim pawl ṭhenkhat chu lungawi loin petition thehlut mah se, Chief Justice of India SA Bobde kaihhruai judge panga awmna bench chuan heng petition-te hi ngaituah chhunzawm tlakah a ngai lo tih a sawi.