LAB leh KDA te'n Ladakh humhimna ngiatin nawrh huaihawt dawn

Union Territory Ladakh huam chhunga civil society pawl pahnih, Leh Apex Body(LAB) leh Kargil Democratic Alliance (KDA) bultumin vawiin hian India danpui hnuaia Ladakh humhim a nih leh theihna turin nawrh an huaihawt dawn

Ladakh tana statehood a phut avanga man, Sonam Wangchuk chu National Security Act (NSA) hnuaiah ni 170 chhung Jodhpur Central Jail-a hren chu chhuah ni tawh mah se huaihawt chhunzawm an tum thu LAB leh KDA hruaitute chuan an sawi.

LAB leh KDA hi Leh district leh Ladakh-a Kargil district aiawh intelkhawmte awmna niin March 10 khan an thil ngiat angte sorkar laipui beng a thlen ngei theihna tur hian nawrh hi an huaihawt tur thu an lo puang tawh a ni. Heng pawl pahnihte hian Ladakh state-a hlankai lehna tur leh India danpui hnuaia sixth schedule-a tribal status pek an phut a ni.

Cherring Dorjay Lakruk, LAB co-convenor leh Ladakh Buddist Association president ni bawk chuan, Wangchuk chhuah a ni chu lawmawm a tih thu a sawi a, mahse, nawrh huaihawt tura an ruahman tawh chu kaltlangpui a nih tur thu a tarlang.