Delhi-a kangmei chhuakah dawr 50 kang ral vek

Delhi chhim lama Andheria Mor huam chhunga Nature Bazaar-ah nimin zing khan kangmei chhuakin dawr 50 a kang ral vek. Delhi Fire Service(DFS) official-in an tarlan danin kangmei chhuah hun hi zing lam dar 7.30 bawr vel niin, thi leh hliam zat erawh report a la awm lo.

Kangmei chhuahna Nature Bazaar-ah hian kut themthiamna lam thil bakah bungraw hrang hrang zawrhna dawr nghet leh temporary-a siam eng emaw zat a awm a, dawr inhnaih te tea awm khawm a nih avang hian a kang kai chak hle niin kangṭhelhtu lam chuan an tarlang.

Chhiatna thlenna hmunah hian kangṭhelhtu team 10 bawrin kangmei chhuahna hmun hi an thleng a, kangmei darh zual tur chu an ven theih phah niin thuneitute chuan an sawi. Kangmei chhuah chhan hi hriat chian a la nih loh thu police-te chuan sawiin an chhui mek a ni.