Vawiinah Jamia university-a thil thleng ngaihtuah dawn

Supreme Court chuan Pathian­ni zana Jamia Millia Islamia University campus chhunga buaina chhuak chung­changa petition lutte chu vawi­inah ngaihtuah a ni dawn tih a sawi. Hemi rual hian Jamia zirlaite hnenah tharum thawhna leh thil tichhe zawnga che chhun­zawm tawh lo turin a ngen. 

Chief Justice of India SA Bobde chuan, "Zirlai an nih avang ngawtin an duh angin dan leh thupek an lekkawh thei lo a, an inbengdaih phawt a ngai a ni. Hei vang hian buaina chhuak hi an tihtawp phawt a ngai a ni," a ti. 

Lawyer Indidra Jaising leh Colin Gonsalve-te chuan Supreme Court hnenah Jamia university leh AMU-a zirlaite laka tharum thawhna thleng chu enfiah tur leh, thil awmdan chhui chiang tura judge chawl tawhte tir turin an ngen. Jaising chuan zirlaite chunga police-te chet dan chu human rights bawhchhiatna dik tak a nih thu a sawi.