SC-in Dec 18-ah CAA khinna ngaihtuah dawn

Chief Justice of India SA Bobde kaihhruai Supreme Court bench chuan December 18 hian Tripura lal thlah, Congress hruaitu hlui Pradyot Kishor Deb Barman leh  Congress hruaitu Jairam Ramesh ten Citizenship Amendment Act (CAA) an khinna chu a ngaihtuah dawn. Hemi rual hian CAA khinna lut dangte pawh ngaihtuah nghal a ni dawn bawk a ni. 

Sorkar laipui dan siam thar, CAA hi sakhaw behchhana khua leh tui inpek theihna a ni tiin ram danpui kalha puh a ni a, Supreme Court-ah hian a khinna eng emaw zat a lut tawh a ni. CAA khinna thehluttu zingah hian senior advocate Abhishek Manu Singhvi,, AIMIM chief Asaduddin Owaisi, Indian Union Muslim League (IUML) te pawh an tel.