Union Minister Jayant Chaudhary-a'n thah a vauna tawk

Union minister of state (Independent Charge) of skill development and entrepreneurship, Jayant Chaudhary chuan Ningani khan phone number hriat loh aṭanga call dawngin thahah vau a nih thu official chuan nimin khan an tarlang; Hemi chungchangah hian police-ah complaint ziahluh nghal niin, minister venhimna pawh ennawn nghal a ni bawk.

Minister call-tu hi Mueshidabad, West Bengal-a cheng Mohammad Ismail a ni tih finfiah tawh niin, ralthuam hmanga beiha a vau bakah inring renga awm turin a chah zui bawk. Man tuma zawn mek niin, a vauna chhan leh a phenah inrawlh an awm em tihte pawh chhui chian mek a ni.

Chaudhary vautu hian message pawh thawnin, thah a tum pawh hi minister tour programme neih hunah ruahman a nih thute a tarlang. Complaint hi Tughlak Road Police station-ah Chaudhary hmingin ziah luh niin, minister chenna in bulhnaiah thil rinhlelhawm thleng a awm thu pawh tarlan tel a ni bawk.