PSC-in EC hnenah elector dik tak list aṭanga paih lo turin hrilh

Parliamentary Standing Committee chuan Election Commision hnenah, Special Intensive Revision(SIR) kalpuinaah voter dik tak, rokhawlhna avanga awm remchang lote chu list aṭanga paih lo turin a hriattir. SIR hi state ṭhenkhata zawh fel tawh niin, a bak state dangah pawh kalpui tura tih a ni bawk.

Parliamentary Standing Committee on Personnel, Public Grievances, Law and Justice chuan Parliament-a report an thlenah, inthlan hmaa electoral roll-a hming thun ennawnna leh siamtṭhatna chu rualkhai, langtlang leh huamzau thei zawnga kalpui turin a hriattir. An hmalaknaah kum upat tawh avanga harsatna neite, pianphunga rualbanlo leh dinhmun harsa zawk (EWS) te bakah hmun danga inhlawhfate tan him leh samkhai zawka kalpui tur a ni tih a sawi.

SIR kalpui tawhna hmun state hrang hranga political party-te chuan electorl roll ennawn a nih dan hi sawiselin, zawtna tam tak an zawt a, hei vang hian Committee chuan hriatirna hi a tichhuak a ni. Party tam tak, a bkin eptu party-te chuan dik lo takin voter dik tak pawh paih an awm niin an tarlang. SIR hi State leh UT 11-ah zawhfel tawh niin, EC chuan state dang 22-te chu in buatsaih ṭan turin a hriattir tawh bawk.