Modi-a'n sorkar hotu dinhmun chelh rei ber record siam

Prime minister Narendra Modi chaun nimin khan India rama ram hruaitu, sorkar hotu dinhmun chelh rei ber record siamin, Sikkim chief minister Pawan Kuman Chamling-a record siam a khum. Nimin khan Mod-a'n ram hruaitu dinhmun a chelh ni 8,931 a tlinna a ni. A hmaa record siamtu, Chamling hi ni 8,930 chhung sorkar hotu dinhmun a chelh thei a ni.

Modi-a'n sorkar hotu dinhmun a chelh hi prime minister a nihna bakah Gujarat chief minister a nih hun chhung pawh a huam tel a, sorkar hotu dinhmun hi kum 25 a chelhna a ni t a ni. Gujarat Chief Minister ni rei ber a lo ni tawh bawk. India ram indepedence hnua puang zinga Prime Minister ni thei hamsa ber niin kum 2014, 2019 leh 2024 Lok Sabha inthlanpuiah a party, BJP chu a chakpui a ni.

Kum 2001, October 7 khan a term khatna turin Modi hi Gujarat chief minister atan lak luh a ni a, kum 2014, May 21 thleng he dinhmun hi a chelh a, hemi hnu hian national politics lamah a lut a ni. Kum 2014, May 26-ah India ram Prime Minister 14-na atan lak luh niin, Congress hruaitu ni lo zingah Lok Sabha-a full majority neihpui thei hmasa ber a ni. Hemi hnua Congress Prime Minister ni lo zingah PM term hnih hmang zo thei hmasa ber ni lehin, a zawna a term thumna a hman leh mek bawk.