PM-in Pakistan mite khua leh tuia siam duhah Congress a puh

Prime minister Narendra Modi chuan nimin khan Jharkhand inthlan neih meka a campaign-naah Congress chu Pakistan mi zawng zawng India khua leh tuia siam duhah puhin, Muslim-te rilrua hlauhna tuhah a puh. Berhait-a rally-ah PM chuan Congress leh a thawhpuite chu a cho thu sawiin, huaisenna chu nei se Pakistan mi zawng zawng chu India khua leh tui nihna pek vek an duh a ni, a ti. 

Congress party chu ramchhunga thudik lo leh mipuite rilrua hlauhna thehdarhah puhin, " Citizenship Amendment Act kan siam a, anni chuan dawt var an sawi leh ta a ni. CAA hian khua leh tui tumah a nghawng dawn lo," a ti bawk. "Ka sawi nawn leh ang, he dan hian khua leh tui tumah a nghawng lo ang. Dan kan siam thar hi hnam tlem zawk ram ṭhenawma tihduhdahna tuar mekte tan a ni," tiin a sawi. 

Jharkhand hian state assembly inthlan an hmachhawn mek a, November 30 aṭang khan inthlanna hi an nei ṭan tawh a ni. Inthlan hi thawh ngain kalpui a ni dawn a, November 30, December 7, 12 leh 16-ahte khan inthlang tawhin December 20 hian inthlanna an nei zo ang.

December 23 hian vote chhiar a ni dawn. Constituency 81 awmin, constituency 16 inthlan hmachhawn tur an la awm a ni.