Army chief thar tur Lt Gen Manoj Mukund Naravane

Indian Army chief, General Bipin Rawat chuan December 31 hian a term a hmang zo dawn a, a thlaktu atan hian Vice chief ni lai Lt General Manoj Mukund Naravane chu ruat a ni.

Army chief thar tur, Lt Gen Naravane hi National Defence Academy leh Indian Military Academy chhuak a ni a, kum 37 chhung sipaiah hian a ṭang tawh a ni. Kum 1980 khan Sikh Light Infantry Regiment 7th battalion hotuah dah a ni a, Jammu and Kashmir leh hmarchhaka counter-insurgency mission neihah te pawh a tel tawh ṭhin. J&K-a Rashtriya Rifles battalion a ho tawh a, a battalion te a enkawl ṭhat avang hian chawimawina pawh hlan a lo ni tawh a ni. 

Sri Lanka-a Indian Peacekeeping Force-ah tel tawhin, Myanmar-a Indian Embassy-ah defence attache in kum thum a awm tawh bawk.