Delhi-ah purunsen man pung
India ram khawpui Delhi leh National Capital Region (NCR)-ah purunsen lakluh a tam tawk loh avangin, kg khatah Rs. 125-ah a kaichho.
Thawhṭannni khan Delhi-a purunsen zuar chhawngtute'n an thil zawrh lakna man chu Rs. 95-a a san chhoh thu Azadpur Mandi-a Onion Merchant Association Chairman Rajendra Sharma chuan a sawi. Sharma hian Afghanistan aṭanga purunsen an lakluh ṭhinna kalkawng chu Pakistan-in a lo dan sak thu a sawi bawk. Hetih lai hian Amritsar custom officer chuan Afghanistan aṭanga purunsen an lakluh hi Thawhṭanni khan Pakistan kaltlanga a rawn thlen thu a sawi ve thung.
Afghanistan aṭanga purunsen lakluh a nih avang hian tun thla tir khan Delhi leh India hmar lama purusen man hi a tlahniam hman a, kg khatah Rs 80-150 inkar ni ṭhin kha, kg khatah Rs 70-90 inkarah a tla thla a ni. Mahse Thawh-
ṭanni vek khan kg khatah Rs 70-125 ah a chho leh. Sorkar laipui chuan ram puma purunsen chungchanga harsatna hi sutkian a nih theih nan, ramdang aṭang lakluh a rel a, purunsen tonne maktaduai 1.2 lakluh a tum mek a ni.