Lok Sabha-ah Finance Bill 2026 pass

Lok Sabha rorel inkhawm, nimina neihah Finance Bill 2026 chu sawi ho a nih hnuin voice vote hmangin pass a ni. Upper House, Rajya Sabha-ah ngaihtuah a ni ve leh ang. Rajya Sabha in a pawm chuan, kum 202-27 atana budget kalpui tur chu tihfel a ni thei dawn a ni.

Finance Bill 2026 sawi honaah union finance minister Nirmala Sitharaman chuan zawhan hran hrangte a chhang a ni. Union budget 2026-27 ah hian total expenditure atan Rs vbc nuai 53.47 ruahman a ni, hei hi sorkar kum kal kal meka budget aiin 7.7% in a tam zawk.

Sitharaman chuan Finance Bill 2026 chuan innghahchhan panga a nei tih sawiin, heng zingah hian ram mipui nawlpui khawsak tihziaawmna tur leh sumdawnna kawng awlsam zawk hawn turte, dan ang taka hma lakna turah inremna, phalna, leh quota-te avanga phurrit a awm lohna turte duan a ni, a ti. Bill chaun MSME, loneitu leh cooperative thuam chak chu a tum tih tarlangin, hei hi hna thawh tur siamna, thil siam chhuah leh kawng tinreng hmasawnna thlenna tura atana a laimu te an ni tih a sawi.

Ram chhungah theihtawp hma lak bakah, India chu khawvel huapa sumdawnna hmunpuia siam a nih theihna turin chhiah lak dan mumal, awlsam leh felfai tak, a bikin sector pawiamwh digital infrastructure, electronics manufacturing leh nuclear energy-ahte siam a ngai tih Minister chuan a sawi bawk.