LPG khaihlak avangin eptu pawl parliament complex-ah pungkhawm

Eptu pawl MP-te chuan nimin khan Parliament house complex-ah West Asia indona avanga LPG supply khaihlak mek avangin lungawi lohna an lantir. Pung khawmte hian banner "Empty Cylinder, Empty Promises" tih thuziakte kengin an aurual bawk.

Pungkhawm zingah hian Congress chief Mallikarjun Kharge; NCP (SP) Supriya Sule; SP Dharmendra Yadav; CPI-ML Sudama Prasad; DMK T Sumathy; leh JMM MP Mahua Maji te an tel.

Hetih laiin Ministry of Petroleum and Natural Gas (MoPNG) Joint Secretary Sujata Sharma chuan nimin khan ram chhungah petrol leh diesel man chu West Asia buaina avangin a san loh thu a sawi a; thu thang dik lo awih mai loturin mipuite a chah nghal bawk. Sharma chuan state 26-te hnenahcommercial LPG ton 22,000 pek a nih thu leh, PNG connection thar nuai 2.5 chu ni 25 chhunga tihfel a nih thu a tarlang bawk.