President hnenah "Transgender Amendment Bill" pawm lo turin ngen

Parliament- a 'Transgender Persons (Protection of Rights) Amendment Bill, 2026' pawm tak chungchangah, dan hremi leh hmeichhe dikna humhimtu (feminist) te chuan president Droupadi Murmu hnenah bill hi pawma nemnghet lo tura ngenna lehkha an thawn.

All-India Feminist Alliance (ALIFA) leh National Alliance for Justice, Accountability and Rights (NAJAR) hruaitu mi 140 chuang telna chuan, president hnena lehkha a thawnah he bill hian Constitution-in dikna a tarlan tam tak a bawhchhia niin an tarlang.

Lehkhaah hian sorkarin bill hi hmanhmawh leh kalphung pangngai loa a pass chu pawi an tih thu sawiin; 'Pre-Legislative Consultation Policy' in a phut ang leh mipui leh hriatpuitu turte rawn hmasa lo a tih a ni, an ti. National Council for Transgender Persons (NCTP) member-te pawh rawn an nih loh avangin, Rajya Sabha-in he Bill a pass hnu lawk hian member pahnihin lungawi lohna lantirin an hna an bansan nghal a ni.

NALSA leh Union of India-in bill a khin chungchanga Supreme Court thutluknaah khan, mahni gender thlan leh puan chhuah hi 'Fundamental Right' (Article 14 & 19) a ni tih a lo nemnghet tawh a ni. Mahse, he Amendment Bill-ah hian Medical Board-in an endik hnuah chauh an nihna, identity certificate pek theih a ni dawn a, hei hi Supreme Court thutlukna leh mi mal zalenna kalh a ni tih activist-te hian an tarlang.