Lok Sabha-ah 'Jan Vishwas Bill' pharh

Commerce and industry minister, Jitin Prasad chuan nimin khan Lok Sabha-ah ram chhunga sorkar hnathawh hrang hrang tihhmasawnna, 'Jan Vishwas (Amendment of Provisions) Bill, 2026 a pharh. Bill-ah hian Ministry leh Department 23-te enkawl dan (Acts) hrang hrang siamṭhatna siam a ni.

Jan Vishwas Bill hian a tum ber chu sorkar leh mipui inrin tawnna (trust-based governance) siam leh, dan bawhchhia ni miah loa thil tihsual palh avanga hremna lian tak pumpelh tir a ni. Bill hi nikum March khan pharh a lo ni tawh a, Joint Committee-in an zirchian hnuah, an thurawnte telh belhin pharh leh a ni. Hemi hma hian kum 2023 khan 'Jan Vishwas Act, 2023' chu hman a lo ni tawh a, hemi ṭumah pawh hian dan hrang hrang 42-a provisions 183-a hremna hlih a lo ni tawh bawk.

Bill siamṭhatah hian hremna tihnep theih a ni dawn a, dan hrang hrang hnuaia thilsualtenau (minor offences) avanga lung in tan theihna hremnate chu hlih a, pawisa chawi (fine/penalty) a thlak a ni.