Aviation Minister-in jet fuel-ah chhiah lak tihniam turin ngen

West Asia buaina avanga fuel man a to chhoh zel karah, civil aviation minister Ram Mohan Naidu chuan state sorkar-te chu Aviation Turbine Fuel (ATF)-a chhiah, Value Added Tax (VAT) an lak tihniam turin a ngen.

Naidu hian state hrang hrang chief minister-te hnenah ngenna hi siamin, airlines leh khualzinte phurit chhawkna turin chhiah lak hi tihniam turin a ngen. ATF man hi vawiinaah ennawn a ni dawn a, hei hian thlawhtheihna chuan man pawh a nghawng ngei rin a ni.

Minister chuan Delhi-in ATF-a VAT a lak hi 25% a tling tih sawiin, West Asia buaina avangin Delhi sorkar chuan VAT hi a tihhniam a ṭul a, chief minister Rekha Gupta pawhin he harsatna hi a hriatthiam ngei a ṭul a ni, a ti. Aviation ministry hian state sorkar official-te pawh meeting a lo neihpui tawh bawk. Delhi hi khawvela airport lun ber zinga pakhat awmna niin, kum 2024-2025 chhung khan Indira Gandhi International airport-ah khualzin lut leh chhuak mtd 79 dawn an awm tling. Maharashtra chuan ATF-ah VAT hi 19% a la a, Tamil Nadu chu la sang ber niin 29% a la.

February 28 aṭanga West Asia buaina avangin khawvel huapin ATF man a nghawng a, a man hi a letin a to tawh a ni. Buaina thlen hma, February 27 khan ATF barrel khat man USD 99.40 a ni a, tuna hian a man hi USD 195.19 ah a kai tawh a ni. Indian operator-te chuan ministry hnenah aviation fuel-a stte hrang hrangte chhiah lak chu tihhniam tir turin a lo ngen tawh bawk a ni.