Raghav Chadha leh AAP inkar buai chho zel

Aam Aadmi Party (AAP) leh an hruaitu, Rajya Sabha-a party deputy leader aṭanga an ban tak, MP Raghav Chadha te inkar chu a chhe zel nia sawi a ni.

Inrinni liam ta khan Chadha chuan a chungchanga party thuchhuah leh puhna hrang hrangte chu ‘dawt’ leh ‘amah beihna thuruk’ a nih thu sawiin a chhang let.

Raghav Chadha chuan party hruaitute puhna chu a hnawl a, party-in Parliament-a opposition-te kalchhuah pui lo anga an puhna chu "dawt hlang" a nih thu leh finfiahna awm lo a ni, a ti. Chief Election Commissioner laka impeachment motion-a hming sign duh lo anga puhna pawh party lam aṭanga ti tura hrilh a nih loh vang a nih thu sawiin; parliament chu mi au buai leh hnial tura kal a nih loh thu leh mipuite tana nghawng nei thei tura thusawi tura kal a nih zawk thu a sawi chhuak.