Lawyer-ten physical hearing neih duh tawh

Covid-19 hripui leng vanga hun rei tak court thubuai ngaihtuah chungchanga virtual system-a kalpui chu tihtawp an duh tawh tih sawiin, lawyer 500 chuang chuan chief justice of India Sharad Arvind Bobde hnenah physical hearing kalpui tawh tura an duh thu an sawi. 

Nikum March thla aṭang khan hri leng vangin Supreme Court chuan ram chhunga court zawng zawngte chu virtual hearing an neih a phalsak a ni. CJI hnenah lehkha thawntu zingah hian Supreme Court lawyer - Kuldeep Rai, Ankur Jain leh Anubhav te pawh an tel a, tuna an kalpui mek, virtual hearing system chu rorelna dik taka kenkawhna turin a ṭha tawk lo a ni, an ti. Virtual court hearing kalpuinaah hian thil fel tawk lo tam tak a awm a ni tiin, network connectivity chungchangah pawh harsatna a awm fo a, Registry lam kaihhruai dan pawh a mumal lo  niin an sawi.