Rajya Sabha member thar 19 la lut

Rajya Sabha member thar 19-te chu nimin khan RS chamber-ah rinawmna thu tiam tirin lak luh an ni. MP lak luh thar zingah hian NCP-SCP hruaitu hlun Sharad Pawar leh Union Minister Ramdas Athawale-te pawh an tel.

Member thar lak luhnaah hian Rajya Sabha chairman C.P. Radhakrishnan, deputy chairman Harivansh leh parliamentary affairs minister Kiren Rijiju-te bakah, House-a party hrang hrang hruaitute pawh an tel a ni.

Rajya Sabha member atana lak luh tharte hi Maharashtra aṭangin Sharad Pawar leh Ramdas Athawale-te telin member panga; Tamil Nadu aṭangin member paruk; West Bengal aṭangin member panga leh Odisha aṭangin member pathum an ni. Member thar zinga a tam zawk hian mahni ṭawng (regional languages) hmangin rinawmna thu an tiam a ni. Chairman Radhakrishnan chuan member thlan tlinte chu lawmpuina hlanin, ram tana rinawm taka thawk turin a chah.