Srinagar Tulip Garden mi nuai 3 dawnin tlawh tawh

Asia-a tulip huan lian ber, Jammu and Kashmir-a Srinagar khawpui ami, Srinagar Tulip Garden chu kumina tlawh theih a nih aṭangin mi nuai 3 dawnin an tlawh tawh.

Srinagar Tulip Garden hi March ni 16 khan tlawh theiha hawn a ni a, thla khat pawh a tlin hmain tlawhtu hi mi 2,95,000 zet an tling tawh a; heng zinga 1,55,000 hi India ram chhung hmun hrang hrang aṭanga kal an ni a, ram dang aṭanga tlawhtu mi 800 vel an tel bawk.

Floriculture officer Imran Ahmad chuan, "Khawvel thil thleng hrang hrang avangin thlawhna ticket man to deuh mah se, tlawhtu kan la ngah hle a ni," a ti a, kumin chhung hian tlawhtu hi nuai 4 an chuan a rin thu a sawi. Nikum khan Tulip huan tlawhtu hi mi 8,55,125 an kal tling a ni. Khaw chin a ṭhat zel chuan tulip huan hi April 15 thleng hawn tum a ni a, a ṭul dan azirin tlawh theih hun pawh hi an la pawtsei rin a ni.