Swami Vivekananda lim US-ah hawn a ni

India ram thiamna leh thlarau lam hruaitu ropui, Swami Vivekananda hriatrengna pual a lim (life-size statue) siam chu US-a Seattle khawpui laili, Westlake Square-ah hawn a ni. Milim hi Indian artist Naresh Kumar Kumawat kutchhuak niin, dar (bronze) hmanga siam a ni.

Milim hi Inrinni khan Seattle mayor Katie Wilson leh India consul general Prakash Gupta-te'n an hawng a, hemi ni hian Indian Council of Cultural Relations (ICCR) Day hman nghal a ni. Mayor Wilson chuan, "He lim hian Seattle khawpuiin hnam hrang hrang a pawm tih a lantir a, India ram nena kan inlaichinna a tinghet lehzual a ni," a ti.

India sorkar hnuaia ICCR chuan he lim hi Seattle khawpui hnenah thilthlawnpek angin a hlan nghal a ni. He thil hi India-in khawvel hmun hrang hranga a hnam zia leh thiamnate pho chhuah a tumna (cultural diplomacy) peng pakhat a ni.