Chennai-ah kum upa leh rualbanlote in aṭangin vote thlak tir dawn

Tamil Nadu Assembly Election 2026 neih turah Chennai khawpui chhunga kum 85 chunglam leh pianphunga rualbanlote (differently-abled) tan tun kar Nilaini, April 15 aṭang hian an chenna in aṭanga vote an thlak theihna tur kalpui a ni dawn tih, Greater Chennai Corporation (GCC) official-te chuan an puang.

Election Commission chuan inthlanah tumah hmaih an nih lohna turin he ruahmanna hi a duang a, heng mi bikte tan hian an chenna hmun ngeia vote thlak theihna 'Postal Ballot' siam a ni.

Chennai khawpui chhunga Assembly constituency 16-ah kum 85 chunglam voter 23,415 leh rualbanlo voter 12,501 an awm a; heng zinga mi 8,947-te chuan 'Form 12D' theh lutin, in aṭanga vote thlak hi an thlang a ni. April 15-ah vote thlak ṭan a ni ang a, April 16 hi backup day atana ruat a ni bawk.

Vote lakkhawm hna thawk tur hian team 96 din an ni a, team tinah hian polling officer pahnih, police officer pakhat, videographer leh micro-observer pakhat zel an awm ang.