UP sorkarin thawktute hlawh bithliah a tipung

Uttar Pradesh sorkar chuan Noida leh a chhehvel industrial belt-a hnathawktute'n hlawh tihsan leh hamṭhatna dang phuta tharum thawhna nena nawrh an kalpui hnuah, hnathawktute hlawh bithiah (minimum wage) a tihsan sak.

District Magistrate Medha Roopam chuan minimum wage tihsan hi Chief Minister chuan Thawhṭanni tlaiah khan a pawmpui thu a sawi. Hlawh bithliah thar hi April 1 aṭanga hman ṭan tura tih a ni. Noida leh Ghaziadab huam chhunga hman tur bikin hlawh bithliah hi siam a ni a, unskilled worker-te tan thla khatah Rs 11,313 aṭangin Rs 13,690-ah tihsan a ni a; semi-skilled worker-te tan Rs 15,059-ah tihsan niin, skilled worker-te chu Rs 16,868 ah tihsan sak an ni bawk. Hetih laiin industrial belt pawn lama khawpui dang leh thingtlang hmun dangte hlawh erawh tihsan a ni ve lo thung.

Hlawh tihsan thu puan a nih hnuah pawh boruak a la muanawm lo hle a, hmun tam takah police-te chu an la duty reng a ni. Hnathawktute hian hlawh tihsan chauh ni lo, hnathawhna hmun him leh an hamṭhatna dangte pawh an phut tel a ni.