"Eng pawh thleng se, CAA hi hman a ni dawn," - Amit Shah

Ram chhung hmun hrang hrangah Citizenship (Amendment) Act (CAA) dodal  ni mah se, union home minister Amit Shah chuan engpawh thleng se, he dan hi hman a ni dawn tho tih a sawi. 

Pakistan, Afghanistan leh Bang­ladesh aṭanga raltlan rawn lut, Muslim telloin sakhaw dang betute India khua leh tui pekna tur dan hi prime minister Narendra Modi kaihhruai sorkar chuan a hmang ngei dawn tih a sawi a, hemi rual hian he dan dodaltute chu an duh chuan an theih ang anga dodal turin a cho let bawk. 

Home Minister chuan CAA hman a nih avangin India mi tumahin khua leh tui an nihna an hloh phah dawn lo tih sawiin, Muslim-te tan hlauhthawn tur a awm lo tih a sawi. Hmun hrang hranga CAA dodal lantirtu, zirlaite chu he dan thar hi zirchiang tur leh a nihna tak hrechiang turin a chah.