Census portal-ah AP khaw pakhat China ram anga tarlan a ni

India sorkarin chhhiarpui, Census 2027 neihna atana a hman, digital portal-ah Arunachal Pradesh-a khaw pakhat chu China ram chhunga khaw hming anga tarlan a ni a, he thil hi thuneitute chuan an siamṭha nghal tih an sawi. China chuan Arunachal Pradesh hi a ram chin nia chhalin, hmun hmingte pawh a phuah thar fo a, mahse, hei hi India chuan hnawlin, Arunachal Pradesh chu India ram peng, lak hran theih loh a nih thu a sawi fo a ni.

Portal-a thil tih dik loh hi IAF officer bang tawh, Group Captain (Rtd) Mohonto Panging Pao, Pasighat khuaa cheng chuan a hmu chhuak a ni. Pao hian Census portal-a mahni in-register a tumna lamah a awmna 'Pasighat' chu 'Medog, China' tia a lo indah thu a sawi. a Social media-ah he thil hi vawrh darhin, sorkar portal meuhin India ram chin China hnenah a hlan nia a lan thu leh thil pawi tak a nih thu a sawi.Registrar-General leh Census Commissioner of India chuan hma an lak nghal thu tarlangin, map service petute nen inbiain harsatna chu chinfel a nih tawh thu an sawi.

Kumin chhiarpui neihah hian a vawi khatna atana 'Digital Census' a ni dawn a, khua leh tuite mahni in-register-na tur portal pawh hawn a ni tawh bawk.