Defence minister Rajnath Sing-a'n Germany tlawh dawn

Defence minister Rajnath Singh chuan vawiin hian Germany a tlawh dawn a, April 23 thleng a cham ang. A cham chhung hian venhimna kawnga ram pahnihte thawh dunna tihchak leh ralthuam siamna lama inkungkaihna thuk zawk siam dan turte Germany ram hotuten an sawi dawn a ni. Singh hian kum sarih hnua Germany a tlawh lehna hmasa ber tur a ni.

Defence Ministry thuchhuah tarlan danin, Rajnath Singh hian a cham chhungin Germany defence minister Boris Pistorius leh sorkar hruaitu pawimawh dangte a hmu ang. Inbiakna an neihah sipaite inkara inbiakpawhna tihlen te, cybersecurity, artificial intelligence (AI) leh drone technology thar berahte thawh hona neih dan turte an sawi ho dawn a ni. Hei bakah 'Defence Industrial Cooperation Road Map' leh 'UN Peacekeeping Operations Training' chungchanga inremna pawimawh tak tak an ziah rin a ni. Indian Navy tana tuihnuai lawng lian (submarine) paruk siamna tur, 'Project-75I' hnuaia contract pawimawh tak pawh an sawi ho tel beisei a ni bawk.

Tun hnaiah India leh Germany hian ram venhimna leh thiamna thar inhrilh tawnna kawngah thawh dunna thuk tak an nei chho mek a ni. Germany defence minister Pistorius pawhin nikum June khan India a rawn tlawh tawh bawk a ni.