UN-ah India-in 'Global South' tan aw chhuah

India chuan United Nations (UN)-ah thawh hona ṭha zawk a awm theih nan leh khawvel hmasawnna kawnga hnufual zawk 'Global South' ramte tana hmun zau zawk siam a nih theih nan hma a la. India chuan UN Security Council (UNSC) chu tunlai khawvel dinhmun nena inrem tura siamṭhat a phut thu a sawi nawn leh a ni.

India aiawhin secretary (west) Sibi George chuan UN secretary-general António Guterres a kawm a, khawvel huapa harsatna hrang hrang thleng mek leh UN-in hma a lak dante an sawi dun. India chuan 'multilateralism' rintlak leh mumal zawk a thlawp thu leh, khawvel hmasawnna tura ram rethei leh hmasawn mek (Global South) te aw chhuahna tur hmun pawimawh zawk siam a duh thu Guterres hnenah hian a thlen.

Intergovernmental Negotiations (IGN) April 20-a neihah khan India chuan UNSC siamṭhat chungchang hi a lo sawi chhuak tawh a; Sibi George chuan Security Council hian ram hmasawn mekte leh Africa ramte tana permanent category a pek loh avangin khawvel huapa thutlukna siamnaah hmaih engemaw zat a awm tih a tarlang. India chuan 'African model' thlawpin, khawvel huapa rorelna hmun sangah hmasawn mek ramte hi an tel ngei a ngai tih a sawi bawk.

ECOSOC Forum-ah pawh India chuan global financial architecture chu siamṭhat a ngai tih sawiin; Sustainable Development Goals (SDG) atana sum mamawh USD 4 trillion awm mek khaichhuak turin ram hausa zawkte hma lakna chauh a tawk tawh lo tih a tarlang.