Pakistan-in Poonch-ah inkahhai bawhchhia

Pakistan sipaite chuan nimin khan Jammu and Kashmir Poonch district-a Line of Control (LoC)-ah inkahhai an bawhchhia niin defence thupuangtu chuan a sawi. Pakistan sipaite hian silai bakah laipui hmangin LoC-a forward post leh thingtlang khuate an kap tih sawiin, India sipaite pawh hian an kap let ve nghal tih a sawi. Inkahna thlen hun hi zing dar 7 vel a ni a, thi leh hliam an awm erawh tarlan a ni lo thung.