Bangladesh mi leh sa kan hruai haw ang - Bangladesh PM IA advisor

"India rama dan loa lut, Bangladesh mi leh sate chu kan ramah kan hruai haw ang," tiin international affairs advisor to Bangladesh prime minister, Gowher Rizvi chuan thuthar thehdarhtute hmaah a sawi.

Dan loa India rama awm mek Bangladesh mite hruaikir hi Bangladesh sorkar policy pakhat a nih thu a sawi a, mahse heng mite hi dan loa awm an ni tih India chuan a finfiah hmasak phawt a ngai a ni, tiin Rizvi chuan a sawi bawk.

"Bangladesh hi sakhua inthliar hran lohna (secular) ram a ni a,  vantlang mipui (society) hrang hrangte chen khawmna hmun a ni. Sakhuana avanga inthliar hranna a awm ve lo a, Muslim, Hindu, Kristian leh Buddhist-te chu inngeih takin an cheng ho a ni," tiin Rizvi chuan a sawi.