Congress-in SCO meeting-a DM Singh a ṭawngkam hman sawisel

Congress party hruaitu, Jairam Ramesh chuan union defence minister Rajnath Singh-a’n Bishkek-a Shanghai Cooperation Organisation (SCO) ṭhutkhawma Pakistan laka a ‘nem’ zawnga thuchhuah a siam chu ‘anti-national’ a ni tiin nimin khan a sawisel. Singh hian Pakistan chu firfiaka chetnaah hmer tel loin thiam a chantir hial niin Congress hian a ngai a ni.

Jairam Ramesh chuan Rajnath Singh hian prime minister Narendra Modi-a hriatpui leh duhdan ngeiin he thu hi a sawi chhuak a ni, a ti. PM Modi-a’n US lungawi lohna tur laka a invenna leh China laka a tlawm zawkna avanga hetiang ngaihdan thar hi nei an nih thu a sawi bawk. X kaltlanga thuchhuah a siamah Ramesh chuan, "Pakistan hi firfiak pawl chhuahna lian ber a ni lo em ni? India beih tum firfiak camp-te a awm lo em ni?" tiin zawhna a zawt let nghal.

Defence minister Singh hian SCO ṭhutkhawmah "Terrorism hian ram leh sakhua a nei lo," tiin a sawi a, hei hi Congress lamin Pakistan hming hmer tel duh lohna leh an thiltihte hliahkhuhsakna a ni niin an sawi. Ramesh chuan he thuchhuah hi PM-in kum 2020-a Galwan Valley buai laia China laka a thiam thu a sawi ang chiaha pawi a nih thu a sawi bawk.