Ram pumah CAA leh NRC kalpui a ni ang: J P Nadda

Sawisel hlawh tak Citizenship (Amend­ment) Act 2019 leh National Register of Citizens (NRC) chu rampumah kalpui a ni ang, tiin BJP working president J P Nadda chuan a sawi.

Nadda hian he thu hi Afghanistan aṭanga Sikh raltlante chungchanga meeting a neih zawh in press mite hmaah sawi a ni. He meeting-ah hian CAA hnuaiah hian Muslim huam telloin sakhuanna thila Pakistan, Bangladesh leh Afghanistan aṭanga raltlante chuan India khua leh tui nihna an nei thei tawh dawn a ni, a ti.

"India-ah hian Mus­lim nilo, CAA hnuaia sakhau kan tarlan takte kha kum 28-30 vel an awm tawh a, mahse heng ho hian an fate school an kal tir thei lo a, in leh lo pawh an nei thei lo, a chhan chu India khua leh tui nihna an neih loh vang a ni. Vote kan duh vang a ni lo a, he kan unaute harsatna hi kan hriatthiam pui vanga hetianga hma la zawk kan ni," tiin Nadda chuan sorkar laipuiin CAA a kalpui chungchang a sawifiah. 

Nadda chuan prime minister Narendra Modi kahhruaina hnuaia India a kal mek chu lawmawm a tih thu sawi telin, CAA leh NRC chu rampuia kalpui a nih tur thu uar takin a sawi bawk.