Puducherry-ah NDA an chak leh

Union Territory Puducherry-ah National Democratic Alliance (NDA) an sorkar leh dawn. Assembly inthlan neih zawh takah NDA hian seat 30 awmah seat 18 an la a, Congress-in seat 6 leh TVK-in seat 3 an la.

NDA hnuaiah chief minister N.Rangasamy kaihhruai All India N. R. Congress (AINRC) chuan sat 12 lain, BJP-in seat 4 an la a, All India Anna Dravida Munntera Kazhagam (AIADMK) leh Latchiya Jananayaga Katchi (LJK) ten seat khat ve ve an la bawk.

CM Rangasamy hi bial pahnihah dingin a tling ve ve a, a term ngana atan CM a ni leh dawn a ni. Mipui ngainat a hlawh a, mipui tana dawr awlsam leh nuam tak a nih bawk vang leh, welfare scheme hrang hrangte a siamte chuan an dinhmun hi a sawhnghet hle niin political commentator-te chuan a sawi. Sorkar tharah hian BJP chuan deputy CM post dil an tum nia sawi a ni.