India economy chu ICU-a luh ngai ṭep ang a ni : Arvind Subramanian

Chief Economic Adviser to Government of India (GoI) hlui, Arvind Subramanian chuan India economy chhiat lam chu Intensive Care Unit (ICU)-a luh ngai ṭep ang mai a nih thu, Harvard University's Centre for International Development-a draft working paper-ah a ziak.

Subramanian chuan bank, infra­structure, Non-Banking Financial Companies (NBFCs) leh real estate company lamah India chu a tlakchhiat hle thu sawi langin, hetah hian India sorkar chuan hma nasa taka a lak a ngaih thu a tarlang.

India rama company-ten an pawisa ba an neih zat chu Gross Domestic Product (GDP) growth rate 4% aia a tam thu leh, leiba ngah avanga 'Balance Sheet Crisis' a awm thu a tarlang bawk. Hmanni lawk khan RBI Governor hlui Raghuram Rajan chuan India econo­my a vei thu a lo sawi chhuak ve tawh bawk. 

India GDP quarter hi September thla khan 4.5%-ah a tlahniam a, hei hi kum 2013 GDP quarter January-March a 4.3%-a a tlakhniam  hnua a tlakhniam nasat lehna ber a ni. Subramanian hi kum 2014-18 inkar khan sorkar laipuiah chief economic adviser hna a chelh ṭhin.