Vijay kaihhruai TVK thawhpui tur chiang lo

Tamil Nadu assembly inthlan neih zawh takah actor-politician, Vijay-a kaihhruai party Tamilaga Vettri Kazhagam (TVK) chuan kum 60 chuang zet state politics thununtu, DMK leh AIADMK-te tukdawlin, hnehna ropui tak an chang. Mahse, party mala sorkarna an siam theih loh avangin thawhpui tur an zawng mek a, an thawhpui tur hi an la tichiang lo.

TVK hian seat 108 la-in sorkarna siam turin seat 118 neih a ngai thung. Seat 5 la tu, Congress party chuan an thlawp tur thu an pung tawh a, TVK hian VCK, CPI, leh CPM party-te chu thlawpna pe turin a ngen bawk. Congress chuan “inlungrual lohna chawk chhuaktu” te nena thawk ho lo turin Vijay hi an hrilh a ni. VCK hruaitu Thol Thirumavalavan chuan an thlawp dawn leh dawn loh chungchang hi an la ngaihtuah mek thu a sawi.

Vijay hi bial pahnih, Trichy East leh Perambur-ah hneh taka thlan tlin a ni a, vawiin hian Tamil Nadu chief minister thar atan lak luh a ni ang. Vijay chuan lak luh inkhawma tel tur hian Congress party hruaitu Rahul Gandhi a sawm a ni.