PM Modi-a’n ram 5 a tlawh dawn

Prime minister Narendra Modi chuan May 15 aṭanga May 20 chhung hian ram panga a tlawh kual dawn, a zin chhung hian ‘energy security’ tihchak leh Europe ramte nena sumdawnna leh thiamna lama thawh hona thuk zawk siam a tum. PM hi tunkar Zirtawpni hian a zin chhuak dawn a, United Arab Emirates (UAE) leh Italy-te chu a tlawh hmasak tur ram an ni.

PM Modi hian a zin chhuahna hmasa ber atan UAE a hmang dawn a, UAE hi India tana crude oil chawk luhna lian ber palina an ni. Nikum chhung ringawt pawh khan India mamawh aṭanga 11% chu UAE aṭanga lak luh a ni. India refiner-te pawhin petroleum thar chhuah USD tld 6 chuang hu UAE-ah hian an thawn chhuak ve bawk.

Italy a tlawh hunah prime minister Giorgia Meloni nen inkawmin, India leh European Union (EU) ten free trade agreement (FTA) an neih thar chungchang leh sumdawnna a thawh hona thar siam dan turte an sawi ang. Kum 2025 chhung khan India leh Italy in sumdawn tawnna chu USD tld 16.77 a tling hman a, tihpun zel an tum.

External Affairs Ministry chuan PM Modi zinna tur ‘Joint Strategic Action Plan 2025–2029’ hnuaia hmalakna hrang hrangte bawhzui nan hman a nih tur thu a tarlang.