Radio Kashmir hming thlak

Jammu and Kashmir state ṭhiat a, union territory pahnih - Jammu and Kashmir leh Ladakh UT-a ṭhenhran an nih tak avangin, nimin khan Srinagar, Kashmir leh Leh-a radio station-te hming chu All India Radio tia thlak nghal an ni. 

Radio Kashmir tih ṭhin chu All India Radio, Jammu; All India Radio, Srinagar; leh All India Radio Leh tia thlak an ni. Radio Kahsmir hi kum 1948-a din a ni a, JN Zutshi chu direc-tor general hmasa ber a ni. 

J&K state ṭhiah a nih tak avangin, India rama state awm zat chu 28-ah a tla thla a, union territory chu pakua-ah a pung ta thung. J&K union territory-ah hian division pahnih - Kashmir Valley leh Jammu an awm dawn a, an ram zau lam hi square km 42,000 niin, mihring maktaduai 12.26 an cheng. An zinga maktaduai 8.44 (68.8%) chu Muslim an ni. 

Ladakh union territory hi square km 59,000 a zau niin, district pahnih - Kargil leh Leh a awm. Mihring 274,289 an awm a, an zinga 127,296 (46.4%) chu Muslim niin Buddist 108,761 (39.65%) an awm bawk.