CPI hruaitu hlun Gurudas Dasgupta a thi

Parliamentarian hlui leh Communist Party of India hruaitu hlun Gurudas Dasgupta chu nimin khan kum 83 mi niin a thi.

Gurudas Dasgupta hi hun eng emaw chen a dam lo tawh a, lung ṭha lo a neih bakah a kal (kidney)-ah pawh harsatna a nei nia sawi a ni. CPI Deputy General Secretary a ni ṭhin a, 2001 khan All India Trade Union Congress General Secretary atan thlan thin a ni a, Rajya Sabha member a nih tawh bakah West Bengal-a   Midnapore district aṭangin Lok Sabha member ni tura thlan tlin a ni tawh bawk.

Ramchhung hmun hrang hranga party lian hruaituten an ui thu an sawi a, West Bengal chief minister Mamata Banerjee pawhin Dasgupta a ui thu hi a sawi. Prime minister Narendra Modi chuan Dasgupta a ui thu sawiin, ngaihdan ṭha tak nei a nih thu a sawi. Parliament-ah pawh thu ṭha tak tak sawichhuak ṭhin a ni tih a sawi bawk.