Indian bank customer-te debit leh credit card data zuar

Indian bank customer-te debit leh credit card data maktaduai 1.3 vel chu website-ah zawrhchhuah a ni. ZDNet in a tarlan danin,  card detail hi Joker's Stash ah hmuh theih turin chhawpchhuah a ni tih a sawi a, he dark web hi hacker lian hoin card an zawrchhuahna, card shop upa ber zinga mi nia sawi a ni bawk. Joker's Stash hian debit leh credit card-te hi "INDIA-MIX-NEW-01" tih hmingin a zuar chhuak a ni. 

Debit leh credit card zawrhte hi Indian bank hrang hrang ami te an ni a, dollar 100 in an zuar. Group-IBA-a cyber security researcher-te chuan card detail-te hi ATM-a device an dahruk emaw, point of sale (PoS) system emaw hmanga an rukchhuahte nia a lan thu an sawi. Joker's Stash aṭanga card detail leitute hian data hi card dang siamtirna atana hmangin, ATM aṭangin pawisa an hmang thei a ni. Kumin February thla khan American card detail maktaduai 2.15 chu Joker's Stash hian zawrh a lo ni tawh bawk.