India-in UNECOSOC special meeting-ah lawng beihna thleng dem

India chuan United Nations Economic and Social Council (UNECOSOC) ṭhutkhawmah, Strait of Hormuz-a sumdawng lawng kal ṭhinte bitum leh tihbuai ṭhin chu 'thil pawmzam rual a ni lo' tiin a sawi. He tuipui kawng pawimawha zalen taka lawng kalte venhim an nih theih nan khawvel huap dan (international law) chu ṭha taka zawm a ngaih thu UN-ah a thlen.

UNECOSOC ṭhutkhawmah India permanent representative Parvathaneni Harish chuan he thu hi a sawi a ni. Tun hnaiah Oman kam vela India sumdawng lawng (India-flagged vessel) beih a ni a, lawng kal ṭhinte tana himna siam chu ram hrang hrangte mawhphurhna a nih thu Harish chuan a sawi lang bawk.

West Asia biala buaina thleng avanga energy leh leiṭha (fertiliser) thlenga harsatna awm mek chungchangah India hmalakna te pawh Harish hian a tarlang. Strait of Hormuz hi khawvel pum energy mamawhna hmun ngaa ṭhena hmun khat vel phurtute kaltlang tui kawng pawimawih a nih avangin, helai hmun tibuai zawnga chetna awm ṭhin chu a rang lama tawp tir a ngaih thu a sawi.