Amit Shah-a'n 'Dial 112' service leh mobile forensic van vailiam

Union home minister Amit Shah chuan nimin khan Chhattisgarh-ah 'Dial 112' emergency service leh mobile forensic van a vailiam. Criminal law thar hnuaiah chak zawka hma lakna leh pawikhawihna thlengte rang zawka chhui an nih theihna atan heng hmanruate hi an ruahman a ni.

Dial 112 emergency service hi kum 2018 aṭang khan state chhunga district 16-ah kalpui a ni a, hei hi thuam chakin district awm zawng zawng 33-ah kalpui a ni tawh dawn a ni. He system hi AI power niin, emergency team-ten harsatna tawkte awmna hmun dik tak an hriat theihna turin location identification rintlak tak a pe thei dawn a ni. Moblie forensic laboratory van vailiam hi 32 niin a bik taka thuam an ni a; field operation neihna atana pawimawh hrang hrang - sample testing kits, digital evidence collection tools, CCTV lak chhuahna system leh in-built GPS, bakah high capacity laptop dah a ni a, power supply kaihhlak lohna turin generator pawh dah a ni bawk.

State sorkar chuan district hrang hrang tan advanced emergency response vehicle 400 bakah special surveillance vehincle 33 leh highway patrol vehicle 60 a pe chhuak tawh a ni. Nimina hun hman hi chief minister Vishu Deo Sai bakah deputy chief minister leh home minister Vijay Sharma, Assembly speaker Dr Raman Singh ten an hmanpui a ni.