Autonomous Combat Aircraft 'Kaal Bhairava' Europe-ah siam dawn

India rama defence technology company pakhat, Flying Wedge Defence and Aerospace (FWDA) chuan an flagship autonomous combat aircraft 'Kaal Bhairava' chu Europe a siam chhuah tawh turin ruahmanna an siamfel tih an puang. Hei hi India ralthuam design tawha anmahni kutchhuak ngata autonomous combat aircraft an siam chhuah hmasak ber tur a ni.

Hemi atan hian FWDA chuan Portugal rama technology company lar tak, fighter jet simulation siam ṭhin 'SKETCHPIXEL LDA' chu thawhpui atan a thlang. He indo thlawhtheihna hi Medium Altitude Long Endurance (MALE) a ni a, indona hmuna thil thlithlai nan leh beihpui thlak nana hman tura duan a ni. Kilometer 3,000 a thui thlawh theih bakah, darkar 30 aia rei thlawk thei tura ruahman a ni a, AI hmanga hmelma thliar hrang thei ralthuam changkang tak a ni bawk.

FWDA founder leh CEO Suhas Tejaskanda chuan he thawhtheihhna hi an ralthuam siam chhuah, khawvel hmun hrang hranga thehdarh an tumna 'Operation 777' hmalakna zinga pakhat a nih thu a sawi. He Operation hian ram 77 leh khawmualpui 7-ah India thiamna lanchhuahtir a tum a, Portugal chu NATO network nena inzawm a nih avangin Europe lama hma lakna kawngah ṭangkai tak a nih beisei a ni.