Jharkhand-in sub-capital pali nei dawn

Jharkhand state chu India ram state zinga khawpui tenau, sub-capital pali nei thei hmasa ber a ni dawn a, an khawpui Ranchi bakah Medininagar, Chaibasa leh Giridih khuate chu state sorkar chuan khawpui tenaua siam a tum. A hmain Dumka chu sub-capital atan puan a lo ni tawh bawk. 

Heng khaw pathumte hi khawpui tenaua siam tuma rawtna chu peih fel a ni tawh a, CM pawmpuina nghah mek a ni. CM in a pawmpui hnuah cabinet ngaihtuah tura thawn leh a ni ang. Khawpui tenau pali siam tum a nih avang hian hna pawh a awm belh dawn a, state chhunga division tinte hmasawnna khairual taka kalpuina tur a ni bawk niin official chuan a sawi.