NDA sorkar kum 12 tlinna pualin BJP-in ram pumah campaign neih tum

Bharatiya Janata Party (BJP) chuan prime minister Narendra Modi-a kaihhruai National Democratic Alliance (NDA) sorkarin centre-a sorkarna an chan kum 12-na tlin lawmna leh hmalakna hrang hrang mipui hnena puanzar nan ram pum huap 'Nationwide Outreach Campaign' huaihawt an tum. NDA sorkar hi June 2 hian kum 12 a tling dawn a ni.

BJP national president J.P. Nadda leh hruaitu liante chuan Nilaini khan ṭhutkhawm neiin, campaign neih tur hi an rel a ni. Sorkar laipui hmalakna lian tham leh hmasawnna hrang hrang, hmeichhia, mi rethei leh loneitute tana ruahmanna siamte thlenga mipui hnen thlen turin hma lak a ni ang. Campaign chhung hian Union Minister-te leh Chief Minister-te chuan ram hmun hrang hrangah press conference an nei dawn bawk.

Campaign-ah hian NDA sorkar hlawhtlinna hrang hrang, economy lama hmasawnna, kuthnathawktute chawikanna leh 'Viksit Bharat' hmathlirte chu mipui hnenah tarlan a ni dawn a; BJP hruaitute chuan he campaign hmang hian an thil tum lian tak tak, 'One Nation, One Election' leh thil dangte pawh mipui zirtir nan hman an tum a ni.