PM Modi leh Merkel inbia

Prime minister Narendra Modi leh German Chancellor Angela Merkel-te chu nimin khan New Delhi-ah an inbia. 

Inbiakna an neih zawh hian PM Narendra Modi chuan India leh Germany chuan inkungkaihna ṭha zawk an neih dawn thu leh firfiak dona kawngah pawh nasa zawka an thawhduh dawn thu a sawi.E-mobility, smart city, inland waterway leh environment conservation lamahte nasa zawka thawhdun an tum bawk.

Angela Merkel hian India leh Germany inkara inkungkaihna ṭha tak a awm theihna turin kum 15 chhung zet chu dinhmun pawimawh tak a chelh tawh. Merkel chuan ram pahnih chuan inkungkaihna ṭha an neih chu an chhunzawm zel dawn tih sawiin, renewable energy lama India hmalakna chu a lawmpui thu a sawi a ni.

India leh Germani hian 5th Indo-German Inter-Governmental Consul­tation an neih ṭumin technology thar, artificial intelligence, agriculture, coas­tal management leh zirna kawnga thawh­dunna tur inremna an lo ziak tawh a ni. Merkel hian Ningani zan khan India hi rawn thlengin ni thum a cham dawn a, PM Modi hian Rashtrapati Bhawan-ah nimin zing khan lawmna inkhawm a buatsaih sak a ni. Minister leh state secretary eng emaw zatin rawn zuiin, sumdawng mite pawhin an rawn zui bawk.