Tleirawl 80%-in mihringin a mamawh an tlachham

United Nations Children's Fund (UNICEF) chuan Ningania report a tihchhuahah, mihringa chakna pai/pe thei thil iron, folate, zinc, vitamin A, vitamin B12 leh vitamin D-te chu, India rama tleirawl 80% chuan an tlachham tih a sawi.

India tleirawl chanve dawn kum 10-19 inkarte hi cher tak emaw, thau tak emaw an ni a, heng zingah hian hmeichhia maktuaduai 63 leh mipa maktaduai 81 an awm a ni. He report hi UNICEF India leh NITI Aayog-in high-level meeting an neihnaa a tarlang a ni.

Report-ah hian India tleirawlte zawng zawng deuh thawte chu, hrisel lo an nih thu leh ei chhe tak an nih thu sawilan a ni. A chhan bulpui ber chu chawkhawp kham loh vang a nih thu an sawi bawk. India tleirawl zaa 10 chu nitinin thei leh artui ei ziah ang an ni. Tleirawl 25% chu kar khatah thlai hnah vawikhat chauh ei ang an ni thung. Bawnghnute erawh tleirawl 50%-in nitin an inziah ang a ni. Tleirawlte hian khawlai chaw leh chaw hrisel loah sum an hmang nasa a, zunthlum leh lung natna an vei hma thu report-ah hian tarlan a ni.

Kum 10-19 inkar tleirawl 25% chuan school-ah mid-day meal, biannual health check-ups, biannual deworming leh weekly iron folic acid supplementation an dawn ṭhat loh thu tarlan a ni bawk.