Delhi CM-in project tikhawtlai department-te fund cut ah vaukhan

Delhi chief minister Rekha Gupta chuan Nilaini khan sorkar department hrang hrangte in thlahdah lo tur leh an project enkawl mekte hun tiam chhung ngei a thawk zo turin a hriattir. Welfare scheme leh project hrang hrang tikhawtlai a, sorkar sum hman tur pawh hmang ṭha hlei thei lo department-te chu nakin zela budget hmuh tlem tir (fund cut) an nih dawn thu sawiin a vaukhan.

Chief Minister hian sorkar thuchhuah thar 'work from home' kalpui a nih avanga a chenna in aṭanga administrative secretary-te leh department hotu hrang hrangte nena high-level review meeting an neih hnuah he thu hi a sawi a ni. "Sorkar in a scheme thar puan chhuah ngawt chu a tawk lo, mipuite tana a taka a hlawkna hmuh theih tur khawpa hna thawh nghal zung zung hi kan thupui ber a ni," a ti.

Virtual meeting-ah hian project kal mekte an thlithlai bakah, ṭhal laia khawlum lutuk laka mipuite fimkhur tura kaihhruaina chhuah chungchang te, fur lo thleng tur atana tui tlin theihna (waterlogging) laka inralrinna atana drain hrang hrang thenfai hnate chu chak zawka thawk turin thurawn a pe bawk. Hna tikhawtlai leh thlahdah taka thawk sorkar hnathawkte chungah khauh taka hma lak a nih tur thu sorkar thuchhuah chuan a tarlang bawk.