ACB-in DCW hotu lakah chargesheet theh lut

Anti-Corruption Branch (ACB) chuan Delhi Commission for Women (DCW) hotu Swati Maliwal-i lakah, special court-ah chargesheet a thehlut.

Swati Maliwal-i hi women panel-a hna lak chungchangah dan dik lo taka kalpuiah puh a ni.

Special ACB judge chuan Tiza Hazari Court-ah Maliwal-i lakah hian Prevention of Corrupton Act section 13 (criminal misconduct by public servant) leh IPC section 409 (crimal breach of trust by public servant) leh 120B (criminal conspiracy) hnuaiah thubuai a thehlut a ni.

ACB chief leh Special Commissioner (New Delhi) MK Menaa chuan DCW-a dik lo taka AAP worker-te dah an nih kaihhnawihah thubuai hi thehluh a nih thu a sawi.

DWC hlui Barkha Shukla Singh-i chuan panel-a hnaruak hnawhkhat tur hian AAP worker eng emaw zat dah an ni tiin, ACB-ah hian complaint a thehlut a ni. Hna thawk tura lak mi 85 te hming pawh ziak langin, heng mite hian an hna chelh tur hian tlinna an nei lo niin an sawi.

September 20 khan Maliwal-i lakah hian FIR ziahluh a lo ni tawh a, ACB chuan thla ruk chhung hemi chungchang hi a lo chhui tawh bawk a ni.

ACB officer chuan DCW hnathawktute thu an zawhna atangin, hna lak tur chungchangah dan dik tak zawm a ni lo tih an sawi a, hnathawktu mi 91-te lak dan chu dan ang taka kalpui a ni lo a ni, a ti.