Rs vbch 25 thlengtu sumdawng man

Enforcement Directorate chuan nimin khan pawisa note hlui, cheng vabelchhe 25 thlengtu Kolkata-a sumdawng, Parsamal Lodha an man.

Prasamal Lodha hian West Bengal-ah sumdawnna lian tak a nei a, nimin khan ram pawn lama tlanchhiat a tum laiin ED team hian Mumbai airport-ah an man a ni. Nimin vek khan Delhi-ah hruai nghal niin, court-ah kalpui a ni ang.

Delhi Police-te chuan tun hnai khan lawyer Tandon-a firm dapin, cheng vaibelchhe 13.65 an lo man tawh a, heng zinga cheng vaibelchhe 2.60 chu pawisa note thar vek a ni. Firm aṭang hian pawisa chhiarna khawl pawh man tel a ni. Tandon-a thil neih hlut zawng hi cheng vaibelchhe 10,000 zet nia chhut a ni bawk.

ED chuan Lodha hi Shekhar Reddy leh Rohit Tandon-te tana pawisa note hlui, cheng vaibelchhe 25 chuang a thleng sak chungchangah man a nih thu an sawi.

Income tax department chuan Nilaini zan khan Morabad-ah car pakhat aṭang≠in pawisa fai, cheng nuai 20 chuang an man bawk a, a kengtu mi pahnih an man bawk. Pawisa man hi Rs 2,000 note hlir cheng nuai 16 a ni a, a dangte chu Rs 100, 50 leh 20 note te an ni. Pawisa neitu nia sawi, Anshul Kumar chu chhui chian mek a ni bawk.