Sipai hotuin Defence Minister hmu dawn

Khawmual sipai hotu lu ber atan ruat tha, Lieutenan General Bipin Rawat chuan a aia senior pahnih a kaisan khalh dawn a, a kaisan khalh tur zinga pakhat GOC-in-C, Eastern Command, Lt. General Praveen Bakshi chuan Defence Minister, Manohar Parrikar a hmu dawn

Bakshi hi khawmsual sipai hotu zinga senior ber a ni a, Army Chief thar atana ruat tura rin ber a ni bawk. Mahse Prime Minister Narendra Modi-a kaihhruai NDA sorkar chuan sipai hotu atan hian a aia junior zawk Rawat hi a ruat a ni.

Eptute pawhin sipai hotu lu ber tur thlan a nih dan chungchang hi an lo sawi≠sel tawh a, mahse sorkar laipui chuan tuna ram dinhmun te, khawthlang lama firfiaka chetna awm ṭhin leh hmarchhak dinhmunte thlirin Rawat-i hi sipai hotu atana thlan awm ber nia a ngaih thu a sawi thung.

Kum 1983 khan khatih hun laia Prime Minister, Indira Gandhi chuan sipai hotu atan hian Lt Gen AS Vaidya chu a aia senir, Lt Gen Sk Sinha kaisan khalh turin a lo dah tawh bawk. SK Sinha hi a lungawi loh avangin a ban phah a ni.