Ranchhung Lawrkhawm
TN CS in atangin Rs nuai 30 man
Income Tax (IT) official-te chuan Tamil Nadu Chie Secretary, P Rama Mohana Rao chenna in aṭangin pawisa fai, cheng nuai 30 leh rangkachak kg 5 an man a, hei bakah hian a lakluhna hriat loh cheng vaibelchhe 5 a neih thu pawh an hrechhuak bawk.
Pawisa fai an man cheng nuai 30 chu pawisa note thar vek a ni. IT official-te chuan Nilaini zing khan Rao-a chenna in hi an dap a, darkar 24 chhung zet an dap kual a ni.
Income Tax official-te hian Chief Secretary Rao-a in leh office bakah, a fapa Vivek leh a chhungte in, Chennai a mi leh Andhra Pradesh-a Chittoor a mite pawh an dap tel bawk.
RBI-in a thu thlak, Rs 5,000 aia tam deposit theih
Reserve Bank of India chuan December 30 hmain pawisa note hlui, Rs 5,000 aia tam deposit chungchanga khuahkhirhna a siam chu a thlak a, KYC compliant account-ah Rs 5,000 aia tam deposit theih a nih thu a tarlang.
RSBI hian Thawhṭanni khan thuchhuah siam≠in, pawisa deposit theih zat bihthliah hi a siam a ni. He thuchhuah hi November 8-a pawisa note lian pahnih tih thih a nih hnua RBI-in thuchhuah a siam 59-na a ni tawh. He thupekah hian December 30 hma chu, account pakhatah
ṭum khah chauh Rs 500 leh Rs 1,000 note hlui, Rs 5,000 aia tam dahluh theih a ni. Rs 5,000 aia tam deposit turte chuan a hmaa an account-a an lo dah luh loh chhan official-te hnena an sawifiah a ngai a, official-teín an pawmsak theih chauhin dahluh phalsak an ni ang, a ti a ni.
Sri Lanka-in sangha mantu 17 man
Sri Lanka Navy-te chuan Nilaini khan Tamil Nadu state mi leh sa, sangha mantu 17 an man a, dan phalloha an tuipuia sangha manah an puh.
Sangha mantu man zinga mi 13-te hi Rameswaram ami te an ni a, midangte chu Jadadapattinam ami an ni thung. An vai hian Neduntheevu bulah manin an lawngte pawh mansak nghal an ni a, navy-te hian Kanagesanthurai-ah an hruai nghal a ni.
Tamil Nadu Chief Minister O Panneerselvam chuan nimin khan Prime Minister Narendra Modi hnenah ngenna thlenin, Sri Lanka-in Tamil sangha mantute an man fo chungchangah ṭawng chhuak turin a ngen a ni.